ویب ڈیسک (لنڈی کوتل): لنڈی کوتل میں حکومتی وعدے صرف وعدے ہی رہ گئے ہیں، واپڈا والوں نے سردی میں اضافہ کے ساتھ ہی بجلی غائب کردی، مقامی لوگ کا کہنا تھا کہ بجلی نہ ہونے سے سخت پریشان ہیں،علاقہ چھوڑنے پر مجبور ہیں، 48 گھنٹوں میں صرف ایک گھنٹے کے لئے بجلی فراہم کی جاتی ہے، بجلی کی مسلسل بندش سے ٹیوب ویلز بند، پانی کی شدید قلت پیدا ہوگئی ہیں۔
چھوٹے بچے اور خواتین سروس پر پانی لانے پر مجبور ہے، سخت سردی بجلی کی ظالمانہ لوڈ شیڈنگ کے باعث سخت مشکلات سے دو چار ہیں، بازار میں دکاندار اور تاجر جنریٹرز استعمال کرنے پر مجبور ہیں۔ بجلی کی ظالمانہ لوڈ شیڈنگ کا خاتمہ کیا جائے.
حکومت وعدوں کے مطابق بجلی کی سپلائی یقینی بنائیں، گریڈ سٹیشن حکام کا کہنا تھا کہ بجلی سپلائی شیڈول ٹیسکو آفیس دی گئی ہے، شیڈول کے مطابق علاقے کو بجلی فراہم کی جاتی ہے۔
