ویب ڈیسک(پشاور)ضلعی انتظامیہ پشاور کا کورونا ضابطہ اخلاق کی خلاف ورزی پر رات گئے کریک ڈاؤن،کورونا ضابطہ اخلاق کی خلاف ورزی پر21 ریسٹورنٹس کے منیجرز گرفتارکرلئےگئے۔
ڈپٹی کمشنر پشاور کا کہنا ہے کہ پابندی کے باوجود ریسٹورنٹس کے اندر کھانا کھلایا جا رہا تھاکارروائیاں یونیورسٹی روڈ اور صدر کے علاقوں میں کی گئیں۔اسسٹنٹ کمشنرنے ایڈیشنل اسسٹنٹ کمشنر کے ہمراہ یونیورسٹی روڈ پر ریسٹورنٹس و دیگر دکانوں کا معائنہ کیاجبکہ ایڈیشنل اسسٹنٹ کمشنرنے صدر کے بازاروں میں ریسٹورنٹس و دیگر دکانوں کا معائنہ کیا۔
ڈپٹی کمشنر پشاور نے مزید کہا کہ تاجران حکومتی ضابطہ اخلاق پر عمل درآمد کریں خلاف ورزی پر قانونی کارروائی عمل میں لائی جائے گی۔