پشاور دہشت گردی کا منصوبہ ناکام

پشاور میں دہشتگردی کا منصوبہ ناکام ،2 ملزم گرفتار

ویب ڈیسک(پشاور) پشاور میں دہشتگردی اور ٹارگٹ کلنگ کا منصوبہ ناکام بنا دیا گیا، ارمڑ سے دو ملزموں کو گرفتار کرکے ان سے دستی بم اور پستول برآمد کر لئے گئے ۔ ملزموں کا تعلق کالعدم تنظیم سے ہے جن کے خلاف انسداد دہشت گردی ایکٹ کے تحت مقدمہ درج کرلیا گیا ہے۔

گزشتہ روز حساس اداروں کو اطلاعات موصول ہوئی کہ چند شرپسند عناصر افغانستان سے پاکستان آکر باغبانان اُرمڑ میں دہشتگردی کی غرض سے موجود ہیں جس پر سی ٹی ڈی پولیس کی سپیشل چھاپہ مار ٹیموں نے علاقہ اُرمڑ میں کارروائی کرتے ہوئے عیسیٰ خان گڑھی میں دو مشکوک افراد کو گرفتار کیا جبکہ تلاشی لینے پر دو عدد دستی بم اور ایک پستول برآمد کرکے ملزمان محمد فاروق ساکن لنڈی کوتل خیبر اور گلدار حکیم خان ساکن افغانستان حال جنوبی وزیرستان کو گرفتار کرلیا۔ بی ڈی یو عملہ نے دستی بموں کو ناکارہ بنا دیا گرفتار ملزمان سے تفتیش شروع کردی گئی ہے۔