پارلیمنٹ حملہ کیس میں اسلام آباد کی انسداد دہشتگردی کی عدالت (اے ٹی سی) نے صدر مملکت ڈاکٹر عارف علوی سمیت پاکستان تحریک انصاف کی قیادت کو بری کردیا۔
تفصیلات کے مطابق انسداد دہشتگردی کی عدالت کے جج محمد علی وڑائچ نے منگل کے روز بریت کی درخواستوں پر فیصلہ سناتے ہوئے صدر ڈاکٹر عارف علوی، وفاقی وزراء شاہ محمود قریشی، اسد عمر، پرویز خٹک اور شفقت محمود کو بری کردیا۔
یہ بھی پڑھیں: عمران خان آج در بدر جاتے ہوئے مایوس نظر آ رہے ہیں: سعید غنی
صدر مملکت اور وفاقی وزراء کے علاوہ اے ٹی سی نے صوبائی وزیر خیبرپختونخوا شوکت یوسفزئی، اعجاز چوہدری، علیم خان اور جہانگیر ترین کو بھی مقدمے سے بری کر دیا۔
واضح رہے کہ 30 اگست 2014 کو تھانہ سیکرٹریٹ میں پارلیمنٹ حملہ کیس کا مقدمہ درج کیا گیا تھا۔ وزیر اعظم عمران خان پہلے ہی اس مقدمے سے بری ہوچکے ہیں۔