آسڑیلوی کرکٹ ٹیم کے مایہ ناز بیٹر عثمان خواجہ نے برسبین ہیٹ کے ساتھ چار سال کا معاہدہ کرلیا ہے جس کے مطابق وہ ٹیم کی قیادت بھی کرینگے،
معاہدے کے مطابق عثمان خواجہ آنے والے سیزن میں برسبین ہیٹ کو دستیاب ہونگے، عثمان خواجہ جو برسبین کے رہائشی ہیں لیکن انہوں نے شیفیلڈ شیلڈ اور مارش کپ میں کوئنز لینڈ کی قیادت کی ہے جبکہ بگ بیش لیگ میں وہ سڈنی تھنڈرز کی جانب سے کھیلتے رہے ہیں ،
معاہدے کے بعد ان کا کہنا تھا کہ کوئنز لینڈ میرا گھر ہے اور مجھے یہاں برسبین ہیٹ کے ساتھ معاہدے پر خوشی ہے ان کا کہنا تھا کہ اپنے ہوم گرائونڈ پر کھیلنے کا لطف الگ ہے، ان کا کہنا تھا کہ اپنی بہترین کارکردگی دکھانے کی کوشش کروں گا اور جو اعتماد مجھے پر کیا گیا ہے اس پر پورا اترنے کی کوشش کروں گا۔
