زلمی مدرسہ لیگ کا پانچواں ایڈیشن آج سے گلگت بلتستان میں شروع ہوگا ۔زلمی مدرسہ لیگ کے پانچویں ایڈیشن کے میچز 25 سے 28 جولائی تک گلگت بلتستان میں کھیلے جائیں گے.
ٹورنامنٹ میں چھ ٹیمیں شریک ہیں جنہیں دو گروپس میں تقسیم کیا گیا ہے گروپ اے میں گلگت وارئیر، اسکردو ٹائیگر ،ہنزہ ایگلز، گروپ بی میں دیامیر لائنز،استور اسٹرائیکر اور نگر سٹارز شامل ہیں
افتتاحی میچ میں گلگت وارئیرز کا مقابلہ ہنزہ ایگل سے ہو گا دوسرے میچ میں دیامیر لائنز اور نگر اسٹارز مد مقابل ہوں گے پشاور زلمی اور زلمی فاؤنڈیشن کے چیئرمین جاوید آفریدی کا کہنا ہے پشاور زلمی اور زلمی فاؤنڈیشن زلمی مدرسہ لیگ کا پانچواں ایڈیشن کروا کر ایک اور وعدہ پورا کر رہی ہے
زلمی مدرسہ لیگ کے انعقاد کا مقصد مدارس کے طلبہ کی حوصلہ افزائی اور صحت مندانہ سرگرمیاں فراہم کرنا ہے ،جاوید آفریدی نے مزید کہا کہ زلمی مدرسہ لیگ کے انعقاد سے مذہبی رواداری اور ہم آہنگی کو فروغ دے رہے ہیں اور اس سے پاکستان اور مدارس کا مثبت امیج بھی دنیا بھر میں اجاگر ہو رہا ہےگلگت بلتستان سے قبل پشاور وزیرستان کوئٹہ اور کشمیر میں زلمی مدرسہ لیگ کے ایڈیشن منعقد کیے جا چکے ہیں
