امام شعبی کے پاس ایک شخص مسئلہ پوچھنے آیا کہ میں نے ایک عورت سے شادی کی ہے جو لنگڑی نکلی ہے ، تو کیا میں اس کو واپس کر سکتا ہوں ؟
آپ نے فرمایا کہ اگر تو اس کے ساتھ ریس لگانا چاہتا ہے تو پھر بلاشبہ واپس کر دے ـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امام شعبی سے ایک آدمی نے پوچھا کہ کیا احرام والا شخص اپنے بدن کو خارش کر سکتا ہے ؟
آپ نے فرمایا کہ ہاں بالکل کر سکتا ہے ـ سوالی نے پوچھا کہ کس حد تک کر سکتا ہے؟ امام شعبی نے فرمایا کہ
جب تک اس کی ہڈیاں نظر آنا شروع ہوجائیں ـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امام شعبی سے سوال کیا گیا کہ داڑھی پر مسح کیسے کرنا چاہیے؟
آپ نے جواب دیا کہ انگلیوں سے خلال کرنا چاہیے
اس پر اس نے کہا کہ اس میں شک رہتا ہے کہ شاید ٹھیک طریقے سے گیلی نہ ہوئی ہو ؟
اس پر آپ نے فرمایا کہ ایسی صورت میں
داڑھی کو آدھی رات کو ہی بھگو دینا چاہئے ـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امام ابوحنیفہ کے پاس ایک شخص مسئلہ پوچھنے آیا کہ جب نہر میں نہایا جائے تو منہ قبلے کی طرف کرنا چاھئے ؟ یا دوسری طرف ؟
آپ نے فرمایا : بہتر ہے منہ کپڑوں کی طرف رکھو ، کہیں کوئی چرا نہ لے جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخ ابن عثیمین اور ابن باز ایک مجلس میں اکٹھے تھے کہ ایک شخص نے سوال کیا کہ اس کا ایک دوست کہتا ہے کہ وہ ایک آلہ ایجاد کرنا چاھتا ہے جو نماز میں غلطی پر ٹوک دے گا ، تو کیا ایسا آلہ بنانا جائز ہے ؟
اس پر ابن باز رح تو خاموش رہے مگر شیخ صالح بن عثیمین ہنس پڑے اور کہا کہ اپنے دوست سے پوچھو کہ
وہ آلہ غلطی پر سبحان اللہ کہے گا یا تالی بجائے گا ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابن عثیمین سے ایک شخص نے پوچھا کہ بندہ جب دعا کر لے تو کیا کرے ؟
شیخ نے جواب دیا کہ ہاتھ نیچے کر لے .
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخ ابن عثیمین نکاح کے موضوع پر درس دے رہے تھے ، درس کے بعد ایک شخص نے سوال کیا کہ اگر میں شادی کرتا ہوں اور بعد میں پتہ چلتا ہے کہ میری بیوی کے دانت نہیں ہیں تو کیا نکاح فسخ کرنے کے لئے یہ وجہ معقول و مناسب ہو سکتی ہے ؟
اس پر شیخ نے جواب دیا کہ ایسی بیوی تو غنیمت ہے جس سے تجھے کاٹ لیئے جانے کا اندیشہ نہ ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ــ کسی کیس میں اکبر الہ آبادی نے عدالت میں کہہ دیا
"کون "سالا” ایسا کہتا ہے۔۔؟”
مخالف وکیل نے کہا یہ توہینِ عدالت ہے، انہوں نے گالی دی ہے۔۔ جج صاحب انہیں سزا ملنی چاہیئے!
جواب میں اکبر الہ آبادی نے کہا ، میں نے تو یہ کہا تھا کہ
کون سا ….”لائ ” ایسا کہتا ہے۔۔؟
