ویب ڈیسک(پشاور):صوبائی وزیر تعلیم شہرام ترکئی گورنمنٹ شہید ثاقب غنی ہائی سکول نمبر 2 کینٹ کا دورہ کیااور سکول میں کورونا ایس اوپیز کاجائزہ لیا۔
صوبائی وزیر تعلیم شہرام ترکئی نے میڈیا سے گفتگو کرتے ہوئے کہا ہے کہ آج پورے صوبے میں سکولز اور کالجز کھل گئے،ٹیمیں ایس او پیز کی نگرانی کیلئے مختلف تعلیمی اداروں کا دورہ کررہی ہیں ،پرامید ہے کہ حالات ٹھیک رہینگےہماری کوشش ہے کہ تعلیمی ادارے کھلے رہیں،بورڈ امتحانات کے پیش نظر سکولز اور کالجز پہلے کھول دئیے ہیں۔
انہوں کا مزید کہنا تھا کہ ایس اوپیز پر عملدرآمد کی بھر پور کوشش کررہے ہیں،نیا تعلیمی سال اگست سے شروع کرنے پر غور کررہے ہیں صابن اور سینیٹائرز سکول کی طرف سے فراہم کئےجارہے ہیں۔
صوبائی وزیر تعلیم سے صحافی نےسوال کیا کہ عاطف خان کو واپس لانے کا حکومت کا کوئی پلان ہے؟
جسکے جواب میں انہوں نے کہا کہ پارٹی سے ناراضگی کا معاملہ اندورنی ہے، سب معاملات حل کئے جائینگے۔