ویب ڈیسک : پاکستان کرکٹ بورڈ نے کلب رجسٹریشن میں ردوبدل کردیا، کلبوں پرعائد بھاری بھرکم فیسوں کوبھی کم کردیا گیا، اور دیگر مشکلات کو کم کرنے کی یقین دہانی بھی کروائی گئی، ملک بھر میں کلب کرکٹ کی رجسٹریشن کے بارے میں پیدا ہونے والا ابہام اب حل ہو گیا، کیونکہ پاکستان کر کٹ بورڈ نے کلب کرکٹ کے وفود کومسائل کے حل کی یقین دہانی کروادی.
پی سی بی کے ڈائریکٹر نیشنل ہائی پرفارمنس ندیم خان سے کلب کرکٹ کے اورگنائزر نے وفود کی صورت میں ملاقات کی، راولپنڈی کے صنوبرگل جبکہ لاہور فیصل آباد، اسلام آباد اور سیالکوٹ کے کلب کرکٹ کے وفود شامل تھے، ندیم خان نے تمام کلب ارگنائزر کو یقین دہانی کروائی کہ ان کے مسائل کو حل کیا جائے گا۔
پاکستان کر کٹ بورڈ کی جانب سے کلب کرکٹ رجسٹریشن کے لئے رکھی گئی فیسوں میں بھی ردوبدل کیا گیا ہے اب تمام گیٹگری کے کلبوں کو 5 ہزار میں رجسٹریشن کروانی ہوگی، یہ قانون رجسٹرڈ، ایسوسی ایٹڈ اور فل ممبر کلب پر لاگو ہے۔