ویب ڈیسک (اسلام آباد)وفاقی وزیر تعلیم شفقت محمود کورونا وائرس سے مکمل صحتیاب ہوگئے، ان کا کہنا ہے کہ ویکسین مؤثر ہےاسی لیے کورونا سے جلد صحتیاب ہوا۔
وفاقی وزیرتعلیم شفقت محمود نے اپنے ٹوئٹر پیغام میں میں کورونا سے صحتیابی کے حوالے سے بتایا کہ وہ مکمل صحت یاب ہوگئے ہیں۔
انہوں نے کہا کہ کورونا کے دونوں ٹیسٹ منفی آئے ہیں، آج سے دوبارہ کام پر واپس آرہا ہوں۔
وفاقی وزیرتعلیم شفقت محمود نے یہ بھی کہا کہ میری جلد صحت یابی کورونا ویکسین کے باعث ہی ممکن ہوئی۔
نہوں نے کہا کہ یہ واضح ہے کہ کورونا ویکسین خطرناک وبا کے خلاف بہت مؤثر ہے۔
واضح رہے کہ 25 مئی کو وفاقی وزیر کا کورونا ٹیسٹ مثبت آیا تھا، اب انہوں نے محض سات دن میں ہی کورونا کو شکست دے دی ہے جس کی وجہ شفقت محمود نے مارچ میں کورونا ویکسین کا لگوانا قرار دیا۔