سابق امریکی صدر ڈونلڈ ٹرمپ نے اپنی بھانجی میری ٹرمپ اور نیو یارک ٹائمز کے کئی صحافیوں پراپنی ٹیکس معلومات افشا کرنے کے خلاف مقدمہ دائر کر دیا۔یہ ٹیکس معلومات ان کے دور صدارت میں پھر نیویارک ٹائمز کے کئی آرٹیکلز میں شائع ہوئی تھیں۔
ایک ویب سائٹ کے مطابق ٹائمز کے تین نامہ نگاروں نے ٹرمپ کے مالی معاملات کی 18 ماہ کی تحقیق پر پلٹزر ایوارڈبھی جیتا تھا۔ان صحافیوں کے مضامین کے باعث پہلی بار انکشاف ہوا تھاکہ ٹرمپ اپنے اثاثوں کے بارے میں غلط بیانی ہی نہیں کرتے رہے بلکہ انہوں نے ٹیکس کے اداروں کو بھی فریب میں رکھا۔
