ویب ڈیسک (اسلام آباد) وزیر اعظم عمران خان نے کہا ہے کہ ٹیم کو معیاری کرکٹ کھیلنے پر فخر ہونا چاہیے۔
وزیر اعظم عمران خان نے قومی ٹیم کی آسٹریلیا کے ہاتھوں شکست کے بعد کھلاڑیوں کے نام پیغام میں کہا کہ مجھے پتہ ہے کہ آپ اس وقت کیا محسوس کر رہے ہیں۔ آپ لوگوں نے جس معیار کی کرکٹ کھیلی اس پر آپ سب کو فخر ہونا چاہیے، میچز جیت کر بھی آپ نے عاجزی کا مظاہرہ کیا۔
انہوں نے کہا کہ میں بھی کرکٹ کے میدان میں اس طرح کی مایوسیوں کا سامنا کر چکا ہوں،وزیر اعظم نے آسٹریلیوی ٹیم کو فتح پر مبارکباد دی۔