الیکشن کمیشن آف پاکستان نے بدھ کے روز خیبر پختونخوا بلدیاتی انتخابات کے دوسرے مرحلے کا نیا شیڈول جاری کردیا ہے۔
الیکشن کمیشن کی جانب سے جاری کیے گئے شیڈول کے مطابق خیبر پختونخوا بلدیاتی الیکشن کے دوسرے مرحلے کے انتخابات 31 مارچ کو ہوں گے، جبکہ خیبر پختونخوا بلدیاتی انتخابات کے پہلے مرحلے کے حتمی نتائج کا اعلان 4 اپریل کو کیا جائے گا۔
یہ بھی پڑھیں: عمر امین گنڈاپور نے سپریم کورٹ جانے کا فیصلہ کر لیا
یہ بھی پڑھیں: ہزارہ یونیورسٹی کورونا وائرس کیسز کی وجہ سے 10 روز کے لیے بند
کمیشن کا کہنا ہے کہ بلدیاتی انتخابات کے دوسرے مرحلے میں حصہ لینے والے امیدوار 14 سے 18 فروری تک کاغذات نامزدگی جمع کرا سکتے ہیں، جبکہ امیدواروں کی فہرست 19 فروری کو آویزاں کی جائیگی۔
الیکشن کمیشن آف پاکستان کے مطابق کاغذات نامزدگی کے خلاف 24 سے 26 فروری تک اپیلیں کی جاسکیں گی۔
