پہلا ون ڈے، نیوزی لینڈ نے پاکستان کو جیت کیلئے 256 رنز کا ہدف دیدیا

پاکستان اور نیوزی لینڈ کے درمیان تین ون ڈے میچوں کی سیریز کے کراچی میں جاری پہلے ون ڈے میچ میں نیوزی لینڈ کی ٹیم نے پاکستان کو جیت کیلئے 256 رنز کا ہدف دیدیا ہے، تفصیلات کے مطابق پاکستان کرکٹ ٹیم کے کپتان بابر اعظم نے ٹاس جیت کر پہلے نیوزی لینڈ کو بیٹنگ کرنے کی دعوت دی جس نے مقررہ پچاس اوورز میں نو وکٹوں کے نقصان پر 255 رنز بنائے، نیوزی لینڈ کی جانب سے فن ایلن نے 29، ڈیون کانوے نے 0، کپتان کین ولیمسن نے 26، ڈیرل مچل نے 36، ٹام لیتھم نے 42، گیلن فلپ نے 37، مائیکل بریسویل نے 43، مچل سانٹر نے 21، ہینری شپلے نے 0، ٹم سائوتھی نے 15 ناٹ آئوٹ اور لوکی فیرگوسن نے ایک سکور ناٹ آئوٹ بنائے، پاکستان کی جانب سے نسیم شاہ نے پانچ، اپنا پہلا ون ڈے میچ کھیلنے والے اسامہ میر نے دو جبکہ محمد وسیم اور محمد نواز نے ایک ایک وکٹ حاصل کی۔

مزید دیکھیں :   آئی سی سی ویمنز انڈر 19 ورلڈ کپ، فائنل میں انگلینڈ اور بھارت مدمقابل