اسلام آباد: پریس کانفرنس کرتے ہوے فواد چودھری نے بتایا کہ آج کی پریس کانفرنس کا مقصد چاند کے حوالے سے ہے،
مذہبی تہوار سے متعلق چاند ہمیشہ تنازع بنا رہتا ہے،آنے والے وقت میں لوگ چاند پر عید منائیں گے،رویت ہلال کمیٹی اور مسجد قاسم علی خان کے اعلان الگ الگ ہوتےہیں،یہ سائنس کا دور ہے،چاند دیکھنا مسئلہ ہی نہیں،ریاست فرقہ واریت سےبالاترہوتی ہے،چاند دیکھنے سےٹیکنالوجی کا تعلق نہ ہونےکی بات مسترد کرتاہوں ،قیام پاکستان کے بعد سے مذہبی تہواروں پر تنازعہ دیکھتے آرہے ہیں.
وفاقی وزیر نے مزید بتایا کہ چاند کو زمین کے گرد چکر مکمل کرنے میں 29دن سے کچھ زیادہ وقت لگتاہے،سورج کی روشنی میں چاند نظر نہیں آتا،چاند کی اونچائی 6.5 ڈگری ہونی چاہیے،سورج غروب ہونے اور چاندنکلنےمیں 38منٹ کا فرق ہونا چاہیے،چاند نظر آنے کا کم سے کم زاویہ 9ڈگری کا ہونا چاہیے.
وفاقی وزیرفواد چودھری کا کہنا تھا کہ کل 24مئی بروز اتوار کو پاکستان میں عید ہوگی،22مئی کی رات 10 بجکر 39منٹ پر شوال کے چاند کی پیدائش ہوچکی،سانگھڑ ،بدین،ٹھٹھہ ،جیوانی،پسنی میں چاند7بجکر36منٹ سے8بجکر14منٹ تک چانددیکھاجاسکتاہے،سانگھڑ ،بدین،ٹھٹھہ ،جیوانی،پسنی میں چاند کی عمر 20 گھنٹے کی ہوگی،پشاور میں آج بھی چاند نظرآنے کا امکان نہیں.
