ویب ڈیسک (لاہور)لاہور میں علامہ اقبال کے مزار پر 81 ویں یوم پاکستان کے موقع میں گارڈز کی تبدیلی کی پروقار تقریب ہوئی، پاک فضائیہ کے چاق و چوبند دستے نے مزار کے گارڈ کے فرائض سنبھال لیے۔
تقریب کے مہمان خصوصی ایئر وائس مارشل ندیم اختر خان تھے،گارڈز نے مہمان خصوصی کو سلامی دی اور گارڈ آف آنر پیش کیا۔
یومِ پاکستان ملی جوش و جذبے سے منایا جارہا ہے۔
23 مارچ 1940ء کو لاہور کے منٹو پارک (اقبال پارک) میں قرارداد پاکستان منظور ہوئی تھی اور 23 مارچ 1956ء کو پاکستان کا پہلا آئین منظور ہوا تھا۔
