ویب ڈیسک (پشاور)وزیر اعلی خیبر پختونخوا محمود خان سے خواتین ممبران صوبائی اسمبلی نے ملاقات کی اور عوامی فلاح بہبود کے لئے صوبائی حکومت کے منصوبوں اور اصلاحاتی اقدامات پر تبادلہ خیال کیا۔
وزیر اعلی محمود کا کہنا ہے کہ صوبائی حکومت صحت کارڈ اسکیم کے طرز پر راشن کارڈ اسکیم کا اجراء کرے گی،جس کے تحت مستحق خاندانوں کو مفت راشن فراہم کیا جائے گا،ماہانہ کی بنیادوں پر مفت راشن ان کے گھروں پر پہنچایا جائے گا۔
انہوں نے کہا کہ یہ اسکیم فلاحی ریاست کے قیام کے لئے وزیر اعظم عمران خان کے وژن کے تکمیل میں سنگ میل ثابت ہوگا،
پی ٹی آئی کی حکومت صحیح معنوں میں عوام دوست حکومت ہے، ہماری حکومت نہ صرف غریبوں کا سوچتی ہےبلکہ ان کے لئے عملی اقدامات بھی اٹھاتی ہے۔
