الیکشن کمیشن نے موجودہ سیاسی صورتحال کے پیش نظر مشاورت کے بعد فیصلہ کیا ہے کہ خیبرپختونخوا ميں بلدياتی انتخابات کا دوسرا مرحلہ مقررہ تاریخ پر ہی ہوگا۔
تفصیلات کے مطابق الیکشن کمیشن حکام کا کہنا ہے کہ خیبرپختونخوا بلدياتی انتخابات کا دوسرا مرحلہ 31 مارچ کو ہی ہوگا، 31 مارچ کو صوبے کے 18 اضلاع میں الیکشن شیڈول ہے۔
یہ بھی پڑھیں: خیبر پختونخوا: مال بردار گاڑیوں پر کوئی نیا ٹیکس نہیں لگایا گیا، ڈی جی کیپرا
خیبرپختونخوا میں بلدیاتی انتخابات کے پہلے مرحلے کے لیے پولنگ گزشتہ سال 19 دسمبر کو ہوئی تھی جس میں جمعیت علماء اسلام سب سے زیادہ نشستیں حاصل کرنے میں کامیاب رہی تھی۔
واضح رہے کہ بلدیاتی انتخابات کا دوسرا مرحلہ 16 جنوری کو ہونا تھا تاہم خیبر پختونخوا حکومت نے خراب موسم اور برف باری کو وجہ بتاتے ہوئے دوسرے مرحلے کو مؤخر کرنے کی درخواست کی تھی۔