ویب ڈیسک: ملک میں جاری معاشی اور سیکیورٹی صورتحال سے متعلق قومی سلامتی کمیٹی کا اجلاس کل بروز جمعہ طلب کر لیا گیا۔
وزیراعظم شہباز شریف نے قومی سلامتی کمیٹی کا اجلاس کل طلب کرلیا ہے۔ اجلاس میں وفاقی وزرا اعلی سول و عسکری حکام شرکت کریں گے۔ اجلاس میں نیشنل ایکشن پلان پر عمل درآمد کی صورتحال کا جائزہ لیا جائے گا۔
اجلاس میں خیبرپختونخوا اور بلوچستان حالیہ دہشت گردی کی لہر اور اس کے سدباب پرمشاورت ہوگی، دہشتگردی کےخلاف مربوط حکمت عملی طے کی جائے گی۔
نیشنل سیکیورٹی کمیٹی میں معاشی صورتحال پر بھی غور ہوگا، وزیر خزانہ اسحق ڈار کمیٹی کو ملک کی معاشی صورتحال پر بریفنگ دیں گے۔
