ویب ڈیسک : امریکا کی جانب سے مشرق وسطیٰ میں ایران کے حامی گروپوں پر مزید حملوں کا عندیہ دے دیا گیا ہے ۔
غیرملکی خبررساں ادارے ’رائٹرز‘ کے مطابق وائٹ ہاو¿س کے نیشنل سیکیورٹی ایڈوئزر نے واضح کیا کہ امریکا مشرق وسطیٰ میں ایران کے حامی مسلح گروپوں پر مزید فضائی حملے کرسکتا ہے۔
امریکی عہدیدار کی جانب سے مذکورہ بیان ایسے وقت پر سامنے آیا ہے جب دو روز قبل امریکا نے عرق، شام اور یمن میں تہران کے حامی گروپوں پر فضائی حملے کیے جس کے باعث 40 افراد کے ہلاک ہونےکی اطلاعات ہیں۔ اس سے قبل امریکا اور برطانیہ نے یمنب میں حوثی کے ٹھکانوں پر 36 حملے کیے۔
وائٹ ہاو¿س کے قومی سلامتی کے مشیر جیک سلیوان نے کو بتایا کہ “ہم اضافی حملے اور اضافی کارروائی کرنے کا ارادہ رکھتے ہیں، جب ہمارے لوگ مارے جائیں گے تو امریکہ جواب دے گا۔
نجی چینل پر انٹرویو کے دوران انہوں نے کہا کہ 2 فروری کو کیے جانے والے حملے ہمارے ردعمل کا آغاز ہے اختتام نہیں اور مزید اقدامات (حملے) ہوں گے۔
