نیوزی لینڈ کرکٹ اور پلیئرز ایسوسی ایشن نے پانچ سالہ معاہدے پر اتفاق کیا ہے جس کے تحت مرد اور خواتین کھلاڑیوں کو یکساں تنخواہ ملے گی۔
معاہدے کا مطلب ہے کہ تمام کھلاڑیوں کو بین الاقوامی اور ڈومیسٹک سطح پر یکساں میچ فیس ادا کی جائے گی۔
مرد کھلاڑی زیادہ ریٹینرز حاصل کریں گے کیونکہ وہ زیادہ میچز اور فارمیٹس کھیلنے کے ساتھ ساتھ زیادہ ٹریننگ بھی کرتے ہیں۔
معاہدے کے حوالے سے نیوزی کرکٹ کے سربراہ ڈیوڈ وائٹ کا کہنا ہے کہ "یہ ہمارے کھیل میں سب سے اہم معاہدہ ہے،” اس معاہدے کے تحت ڈومیسٹک ویمن کرکٹرز معاہدوں کی تعداد 54 سے بڑھ کر 72 ہو گئی ہے۔
نیوزی لینڈ ویمن کرکٹ ٹیم کی کپتان سوفی ڈیوائن نے کہا: ’’یہ بہت اچھا ہے کہ بین الاقوامی اور ڈومیسٹک خواتین کھلاڑیوں کو مردوں کے ساتھ ایک ہی معاہدے میں تسلیم کیا جائے۔
"یہ ایک بہت بڑا قدم ہے اور نوجوان خواتین اور لڑکیوں کو کھیل کی جانب راغب کرنے کا بہت طریقہ ہے۔”
