پی ایم ایل این نے اپنے ہی اتحادیوں میں چھرا گھونپ دیا،شوکت یوسفزئی

ویب ڈیسک (پشاور)صوبائی وزیر محنت و ثقافت شوکت یوسفزئی نے اپنے بیان میں کہا ہے کہ سینیٹ انتخابات سے قبل ہی اپوزیشن کےاندر دراڑیں پڑ چکی ہیں۔

انہوں نے کہا کہ پنجاب کی طرح ہم بھی مفاہمت سےسینیٹ امیدواروں کا انتخاب کرنا چاہتے تھےپی ایم ایل این نے اپنے ہی اتحادیوں میں چھرا گھونپ دیا۔خیبرپختونخوا میں ایک سینیٹر منتخب کرنے کے لئے کم از کم 19 ووٹوں کی ضرورت ہے،مسلم لیگ ن نے 7 ممبران کے ساتھ سینیٹ کی نشست کے لیے اپنا امیدوار میدان میں اتارا ہے۔

انہوں نے کہا کہ پی ایم ایل این کا امیدوار خرید و فروخت میں ہی ملوث ہوگا۔پی ڈی ایم ساتھ نہیں تو کیا یہ ہارس ٹریڈنگ کرانے کا کھلا اشارہ نہیں، ہر بار سینیٹ انتخابات ہارس ٹریڈنگ کی نذر ہو جاتے ہیں۔

ان کا کہنا تھا کہ مسلم لیگ نون شفاف انتخابات کے لیے تیارنہیں ہے نون لیگ خود پی ڈی ایم کے ساتھ بھی مخلص نہیں ہے ۔

صوبائی وزیر نے مزید کہا کہ مسلم لیگ پی ڈی ایم کے اپنے امیدواروں کے لیے خطرہ ہے۔

انہوں کا کہنا تھا کہ انشاءاللہ کل ہونے والے سینیٹ کے انتخابات میں پی ٹی آئی سرخرو ہوگی ۔