ویب ڈیسک (کوہاٹ) کوہاٹ گمبٹ کے علاقہ جبڑ میں مستورات کے تنازع پر دو فریقین کے مابین فائرنگ کا واقعہ پیش آیا جس کے نتیجے میں تین افراد جان کی بازی ہار گئے۔
پولیس ذرائع کے مطابق واقعے میں تین افراد جاں بحق جبکہ ایک خاتون سمیت چھ افراد زخمی ہوئے ہیں،نعشیں اور زخمیوں کو قریبی ہسپتال منتقل کر دیا گیا ہے۔
مقامی ذرائع کا کہنا تھا کہ دونوں فریقین کے درمیان دوہفتے قبل مستورات کے معاملے پر تنازعہ اٹھا تھا ،تاحال واقعے کی ایف آئی درج نہ ہو سکی۔