تالاش( نمائندہ مشرق) تالاش میں نو بہنوں کا اکلوتا جوانسال بھائی ٹریفک حادثہ میں جاں بحق ہو گیا۔ اکلوتے بیٹے کی موت کا صدمہ برداشت نہ کرتے ہوئے والد بھی چل بسا۔ تالاش کے گاں شاڑی بغل سے تعلق رکھنے والا نو بہنوں کا اکلوتا نوجوان بھائی ذیشان موٹر سائیکل چلاتے ہوئے حادثہ کا شکار ہوکر دم توڑ گیاتھا ۔
اکلوتے بیٹے کی اچانک موت کی خبر سن کر باپ واحد گل کو دل کا دورہ پڑا اور وہ بھی دم توڑ گیا۔ باپ بیٹے کی موت سے گھر میں قیامت برپا ہو گئی ۔ ایک ہی گھر سے باپ بیٹے کے جنازے اٹھنے پر کہرام مچ گیا۔