پاکستان کرکٹ ٹیم کے فاسٹ فاسٹ بائولر محمد حسنین کے بائولنگ ایکشن کو درست قرار دیدیا گیا ہے اور اب وہ بین الاقوامی کرکٹ میں بائولنگ کے اہل ہو گئے ہیں، اس بات کا فیصلہ محمد حسنین کے نئے بائولنگ الیکشن کا جائزہ لینے کے بعد کیا گیا ہے،
رپورٹ کے مطابق نئے بائولنگ ایکشن میں محمد حسنین کی کہنی آئی سی سی کی مقرر کردہ پیمائش کے مطابق مڑتی ہے، اس سے قبل ان کی کہنی کا خم سترہ سے چوبیس ڈگری تک تھا مگر نئے بائولنگ ایکشن میں یہ خم بارہ تا تیرہ ڈگری تک آگیا ہے،
یاد رہے کہ محمد حسنین کے بائولنگ ایکشن کو رواں سال جنوری میں غیر قانونی قرار دیدیا گیا تھا اس وقت حسنین بگ بیش لیگ میں سڈنی تھنڈرز کی نمائندگی کر رہے تھے جس کے بعد انہیں بین الاقوامی کرکٹ میچوں میں کھیلنے سے روک دیا گیا تھا تاہم انہیں اجازت تھی کہ وہ پاکستان کے ڈومیسٹک کرکٹ میں کھیل سکتے ہیں مگر پی سی بی نے انہیں ڈومیسٹک میں کھیلنے سے روکتے ہوئے ان کے بائولنگ ایکشن پر کام کیا اور اس کی ویڈیوز آسڑیلیا بائیو میکنس لیبارٹری میں ارسال کی تھیں جس کی رپورٹ موصول ہو گئی ہے اور اس میں ان کے بائولنگ ایکشن کو قانونی قرار دیدیا گیا ہے۔
