ویب ڈیسک (پشاور): وزیر اعلی خیبر پختونخوا محمود خان کی زیر صدارت صوبائی ٹاسک فورس برائے انسداد کورونا اجلاس، 8 مئی تا 16 مئی لاک ڈاؤن پر عملدرآمد کو ہر لحاظ سے یقینی بنانے کا فیصلہ، این سی او سی کی طرف سے دی گئی چند مخصوص استثناء کے علاوہ تمام کاروبار اور سرگرمیاں بند رہیں گی اجلاس میں فیصلہ کیا گیا، ایس او پیز پر سختی سے عملدرآمد کو یقینی بنایا جائے گا۔
وزیر اعلی محمود خان کے مطابق عیدالفطر کے موقع پر کورونا وباء کے بڑے پیمانے پر پھیلاؤ کا خدشہ ہے، عید پر ہماری معمولی سی غفلت اور کوتاہی ہمیں کسی بڑے مسئلے سے دوچار کر سکتی ہے، عید کے دوران احتیاطی تدابیر اور ایس او پیز پر عملدرآمد کی سخت ضرورت ہے، عوام عید سادگی سے منائیں اور عید کی چھٹیاں اپنے گھروں پر منائیں۔
