ویب ڈیسک(پشاور)خیبرپختونخوا میں کورونا کی تیسری لہر، پشاور کے بڑے ہسپتالوں پر کورونا مریضوں کا بوجھ بڑھ گیا ہے، ہسپتالوں میں کورونا مریضوں کے لیے 3 ہزار 565 بستر مختص کئے گئے ہیں۔
محکمہ صحت کی رپورٹ کے مطابق اس وقت 1 ہزار 795 بستر مریضوں کے زیراستعمال ہیں، کورونا مریضوں کے لیے مختص وینٹی لیٹرز کی تعداد 332 ہے۔ صوبے بھر میں اس وقت 72 وینٹی لیٹر کورونا مریضوں کے زیر استعمال ہیں کئی اضلاع میں کورونا مریضوں کے علاج کے لیے ہسپتالوں کی استعداد میں مزید اضافہ کیا جا رہا ہے۔گزشتہ روز صوبے میں 7 ہزار 709 کورونا تشخیصی ٹیسٹ کیے گئے ہیں ،صوبے میں مثبت کیسز کی شرح 13.8 فیصد رہی۔
صحت کے حکام کا کہنا تھا کہ پشاور میں مثبت کیسز کی شرح 25 فیصد، مردان اور نوشہرہ میں 27 فیصد، ضلع خیبر میں 26 اور شانگلہ میں 24 فیصدرہی۔
