بچے ہوں یا بڑے پیزا آج کل سب کی ہی پہلی پسند ہے، لیکن اکثر خواتین یہ سوچ کر پیزا نہیں بناتیں کہ گھر میں تو اوون نہیں ہے کیسے بنائیں؟ تو اس مسئلے کیلیئے آج ہم لائے ہیں آپ کے لیئے توّے پر پیزا بنانے کا آسان طریقہ، جو سب کو ہی پسند آئے گا۔ تو آئیے شروع کرتے ہیں۔
پیزا کا آٹا گوندھنے کیلیئے:
میدہ 1 کلو
نمک 1 چمچ
چینی دیڑھ چمچ
خمیر 1 چمچ
تیل ½ کپ
دودھ ¼ کپ
انڈا 1 عدد
اب ان تمام چیزوں کو آپس میں اچھی طرح ملانے کے بعد اس میں پانی ڈال کر گوندھ لیں، دھیان رہے یہ نہ تو زیادہ سخت ہو نہ ہی نرم۔ اس پر تیل لگا کر ایک گھنٹے کیلیئے کپڑا ڈال کر رکھ دیں
چکن فلنگ بنانے کا طریقہ:
۔ سب سے پہلے مرغی کا بغیر ہڈی والا گوشت لے کر چھوٹے ٹکڑوں میں کاٹ لیں ، پھر اسے نمک اور سرکے کے پانی سے دھو لیں
۔ اب مرغی میں نمک، کٹی ہوئی لال مرچ، تکہ مصالحہ، تیل اور چلی ساس ڈال کر مکس کرلیں اور ایک سے دیڑھ گھنٹے کیلیئے رکھ دیں
۔ ایک پین میں ہلکا سا تیل ڈال کر مرغی شامل کریں اور اسے ہلانے کے بعد درمیانی آنچ پر پکنے کیلیئے چھوڑ دیں، جب وہ گل جائے تو چولہا تیز کر کے اسکا پانی سکھا دیں
توے میں پیزا بنانے کا طریقہ:
۔ اب گوندھے ہوئے آٹے کا پیڑا لے کر پیزا کی روٹی بیلیں، اور اسے اوون ٹرے (جو مارکیٹ سے آسانی سے مل جاتی ہے) یا پھر ایک اسٹیل کی چھوٹی ٹرے میں ہلکا سا تیل چاروں طرف لگا کر اس پر روٹی رکھ دیں
۔ روٹی پر کانٹے سے سوراخ کر کے اس پر پیزا ساس یا کیچپ لگائیں، اسکے بعد مرغی کی فلنگ ڈال کر اس پر چیز، ٹماٹر اور شملہ مرچ کی ٹاپنگ کریں
۔ اب ایک بڑے توّے یا دیگچی کو اچھا گرم کرنے کے بعد اس میں اسٹینڈ رکھ کر ٹرے کو رکھیں اور اوپر سے ڈھکن ڈھاک دیں، 2 سے 3 منٹ بعد ڈھکن ہٹا کر اس پر ہلکا سا تیل لگائیں اور پیزا پکنے تک ڈھک کے رکھیں۔
لیجیئے بغیر اوون کے مزیدار پیزا تیار ہے!
